«Ալ-Քաիդայի» ղեկավար Ուսամա բեն Լադենի նկատմամբ, որը սպանվել էր մայիսի 1-ին, տեղի է ունեցել արդարադատություն: Այս մասին հայտարարել է ՄԱԿ-ի գլխավոր քարտուղար Բան Կի Մունը, ինչպես հաղորդում է ITAR-TASS գործակալությունը:
Գործակալության փոխանցմամբ, լրագրողների խնդրանքին` մեկնաբանելու ամերիկյան իշխանություններին ուղղված իրավապաշտպան կազմակերպությունների մեղադրանքներն առ այն, որ Բեն Լադենին սպանել են, այլ ոչ թե ձերբակալել և հանձնել արդարադատությանը, ՄԱԿ-ի գլխավոր քարտուղարը նշել է, որ անհրաժեշտ է հաշվի առնել այն հանգամանքը, որ «ողջ օպերացիան իրականացվում էր ծայրահեղ դժվար և արտակարգ վտանգավոր իրավիճակում»:
Հիշեցնենք, որ «թիվ մեկ ահաբեկիչը» սպանվել է մայիսի 1-ին Պակիստանում ամերիկյան հատուկ ուժերի կողմից:
