Ադրբեջանական Vesti.az կայքի փոխանցմամբ, այսօր Վրաստանի սահմանապահ ոստիկանություն է ժամանել թուրքական պատվիրակությունը: Այն գլխավորում է Գլխավոր շտաբի պլանավորման ասիական բաժնի ղեկավար, գնդապետ Ռասիմ Յըլդըզը:
Այցը կայանում է թուրք-վրացական ռազմական երկխոսության պլանի շրջանակներում: Թուրքական պատվիրակությանն ընդունելու է Վրաստանի սահմանապահ ոստիկանության ղեկավար, գեներալ-մայոր Զազա Գոգավան:
Հանդիպման ժամանակ կողմերը քննարկելու են սահմանապահ ոստիկանությանն առնչվող բարեփոխումները, հետագա համագործակցության հեռանկարները, թուրքական կողմի ցուցաբերած օգնությունը և այլն:
Հիշեցնենք, որ այս ամսվա վերջին Վրաստան է այցելելու Թուրքիայի վարչապետ Էրդողանը և իր վրաց գործընկերների հետ քննարկելու է թուրք-վրացական սահմանին ընկած Սարփիի մաքսային անցակետի համատեղ ղեկավարման հարցը:
