Մոտ ժամանակներում նախատեսվում է «օրենքով գողերի» մեծ հավաք, որին մասնակցելու են Դեդ Հասանի և Տարիել Օնիանիի կողմնակիցները` հարթելու կողմերի միջև առաջացած տարաձայնությունները:
PrimeCrime-ի փոխանցմամբ, վերջերս Կեմերովոյում Տարիել Օնիանիի՝ Իսպանիայից վերադառնալուց հետո (նա Դեդ Հասանի կողմից հայտարարվել էր «օրենքից դուրս»), հայտնվել է մի թուղթ` «պռագոն», ստորագրված տասնյակ «օրենքով գողերի» կողմից, որտեղ հայտարարվում է, որ դա այդպես չէ (Օնիանին «օրենքից դուրս» չէ,- 1in.am):
Օնիանիին «ճանաչելու» թուղթը ստորագրել են բոլոր ժամանակների և ժողովուրդների «թիվ 1» «գող» Գոգի Չիկովանին, քութաիսցի երկու կնքահայրեր` 71-ամյա Գուրամ Չիկչիկը և 72-ամյա Վանիկը, և այլք: Այս պահին հայտնի չէ, թե արդյոք Օնիանիին հաջողվել է Իսպանիայում շփվել Շաքրո կրտսերի հետ, սակայն լուրեր կան, որ նա էլ է ճանաչել Տարիել Օնիանիի «իրավասությունները»:
Այս թղթի մասին հայտնի է դարձել Դեդ Հասանի կողմնակիցներին, մասնավորապես Գիյա Սվերդլովսկուն: Ի պատասխան դրա` գրվել է նոր թուղթ, որտեղ Օնիանիի բոլոր կողմնակիցներին զետեղել են «սև ցուցակում»:
Այդ խնդրով այս տարի մարտին Դուբայում արդեն տեղի է ունեցել հավաք, որտեղ քննարկվել են այս հարցերը:
