«Մինսկի խումբը գործում է ԵԱՀԿ ամբողջ տարողության մեջ և եթե վեհաժողովներ են լինում, յուրաքանչյուր խումբ կամ կառույց վեհաժողովում հաղորդմամբ հանդես են գալիս»,- մեզ հետ զրույցում նման տեսակետ հայտնեց ԱԺ ՀՀԿ խմբակցության ղեկավար Գալուստ Սահակյանը:
Ըստ նրա` ադբեջանական կողմը փորձում է ԼՂ հարցը տեղափոխել տարբեր կառույցներ: «Բայց դա իրեն չի ստացվի, քանի որ մենք կողմնակից ենք միայն ՄԽ համանախագահների շրջանակում ԼՂ հարցը քննարկելուն, և այդ տեսակետն ունի նաև ԵԱՀԿ ԽՎ նախագահը»,- ասաց նա:
Սահակյանը, անդրադառնալով Ադրբեջանի կողմից հայ զինվորների սպանության փաստերին, ասաց, թե միջազգային հանրությունը փորձում է հավասարակշռություն մտցենել իր հայտարարություններում, բայց հանդիպումների ժամանակ հասկացնում է, որ ծանոթ է ադրբեջանական ցինիզմին: