Բրազիլիայում մասնագետների խումբը 3D տպիչով նոր պատյան է տպել հրդեհի ժամանակ այրվածքներ ստացած կրիայի համար՝ գրում է The Huffington Post-ը:
Դոկտոր Ռոդրիգո Ռաբելոն էգ կրիային հայտնաբերել է սարսափելի վիճակում և որոշել նրան անվանել Ֆրեդ՝ ի պատիվ Ֆրեդի Կրյուգեի «Վյազով փողոցի մղձավանջը» ֆիլմից, և բուժել: Կրիան ոչ միայն այրվածքներ էր ստացել, այլև թոքաբորբ էր ձեռք բերել և երկար ժամանակ ոչինչ չէր ուտում:
Ռաբելոն Սան Պաուլու քաղաքի կամավորների Animal Avengers խմբի անդամ է: Խումբը բաղկացած է երեք անասնաբույժներից, մեկ դիզայներից և մեկ ստոմատոլոգ-վիրաբույժից:
Պատյանը ստեղծելուց առաջ Ֆրեդի և այլ կրիաների տասնյակ լուսանկարներ են արվել տարբեր կողմերից: 3D մոդելը ստեղծելուց հետո չորս մասեր են տպվել: Սպիտակ պատյանը ներկել են բնական գույներով:
Ռաբելոյի խոսքով՝ սա առաջին նման դեպքն է և կարևոր քայլ՝ անասնաբուժությունում:
