ԱՄՆ նախագահ Բարաք Օբաման մտադիր է օգտվել Բեռլինում իր ելույթի հնարավորությունից՝ հայտարարելու ամերիկյան միջուկային զինանոցի կրճատման Վաշինգտոնի հետագա պլանների մասին: Այս մասին գրում է The New York Times-ը: Սակայն ամերիկյան վարչակազմի աշխատակիցների խոսքով՝ Վաշինգտոնը նման քայլի կգնա միայն այն դեպքում, եթե Մոսկվան համաձայնի համանման գործողություններ անցկացնել Ռուսաստանում:
Ինչպես նշել են Սպիտակ տան ներկայացուցիչները, Օբաման կառաջարկի, որպեսզի երկու երկրներից յուրաքանչյուրում ռազմավարական մարտագլխիկների թվաքանակը պահվի 1.55 հազարի նշագծից ներքև, որի մասին ասվում է պայմանագրում: Այն ԱՄՆ-ն ու Ռուսաստանը ստորագրել են Օբամայի նախագահության առաջին ժամկետի ժամանակ: Սպիտակ տան բարձրաստիճան պաշտոնյան հայտարարել է, որ խոսքը յուրաքանչյուր պետության համար 1000 մարտագլխիկի մասին է:
Հաղորդվում է, որ Օբաման կհայտարարի նաև ՆԱՏՕ-ի դաշնակիցների հետ համագործակցության մասին՝ ուղղված մարտավարական միջուկային զենքի լուրջ կրճատման նախաձեռնության մշակմանը:
