Մայիսի 10-ին Sotheby’s աճուրդների տանը տեղի ունեցած վաճառքի ժամանակ անհայտ կոլեկցիոները գնել է հայտնի նկարիչ Էնդի Ուորհոլի «Ժակլինի 16 դեմքերը» (Sixteen Jackies) նկարը: Այս մասին հաղորդում է Reuters գործակալությունը:
Ժամանակակից արվեստին նվիրված վաճառքի ժամանակ այս նկարը համարվել է ամենաթանկը: Նրա վրա պատկերված է ԱՄՆ նախկին նախագահ Ջոն Քենեդու կինը` Ժակլինը, 16 տարբեր դիտանկյուններից: Նախնական հաշվարկներով, աճուրդների տանը պատրաստ էին այն վաճառել 20-30 մլն դոլարով, սակայն վերջնական գինը անսպասելիորեն մոտ գտնվեց սահմանված միջակայքի ստորին կետին:
Ուորհոլի մյուս նկարը, որը կոչվում է «Կլոր Ժակլին» (Round Jackie), վաճառվել է 3.7 մլն դոլարով, ինչը սպասվածի միջակայքում է: Ընդհանուր առմամբ, Նյու Յորքի աճուրդի ժամանակ վաճառվել են արվեստի գործեր` 128 մլն դոլար ընդհանուր արժեքով: Այսօր Նյու Յորքում ժամանակակից արվեստի վաճառք է կազմակերպում Sotheby’s-ի հիմնական մրցակից Christie’s աճուրդների տունը: