Այսօր Ազգային ժողովի քառօրյա նստաշրջանին ներկա էր 86 պատգամավոր, քվորումն ապահովվեց, և անցան քվեարկության:
81 կողմ ձայներով ընդունվեց երեկ պաշտպանության նախարար Սեյրան Օհանյանի կողմից ներկայացված՝ Աֆղանստանի միջազգային անվտանգության ուժերի կազմում ՀՀ զինված ուժերի ստորաբաժանումների հետ կապված հարցերի կարգավորման վերաբերյալ համաձայնագիրը, որի արդյունքում մեր զորամիավորման կազմը 45 հոգուց դառնալու է 130, իսկ հերթափոխներին` 260 հոգի:
81 կողմ ձայներով ընդունվեց նաև ՀՀԿ պատգամավոր Արա Սահակյանի առաջարկը` մայիսի 15-ը որպես ընտանեկան տոն նշելու օրենքի նախագիծը:
71 կողմ ձայներով ընդունվեց հաստատագրված վճարների մասին օրենքի նախագիծը:
Ի դեպ, այսօր բաց դռների շրջանակներում Ազգային ժողովում էր Հյուսիսային համալսարանի դասախոսական և ուսանողական անձնակազմը: