Մարկո Վերատին 2012 թվականի ամռանը տեղափոխվելով ֆրանսիական ՊՍԺ՝ կարճ ժամանակահատվածում դարձել է փարիզյան թիմի առանցքային ֆուտբոլիստներից:
Սակայն այժմ ՊՍԺ-ն կարող է կորցնել իր առաջատարներից մեկին. Վերատիի ծառայություններով հետաքրքրվում է Մադրիդի «Ռեալ»-ը: 20-ամյա ֆուտբոլիստի հեռանալուց խուսափելու համար ակումբի մարզական տնօրեն Լեոնարդոն պատրաստվում է հանդիպել ֆուտբոլիստի գործակալի հետ՝ խաղացողի հետ կնքած պայմանագրի ժամկետի երկարաձգումը քննարկելու համար:
Ֆրանսիական մամուլի փոխանցմամբ՝ փարիզցիները պատրաստ են բարձրացնել Վերատիի աշխատավարձը: Ներկայումս ֆուտբոլիստը ստանում է տարեկան 850.000 եվրո աշխատավարձ, իսկ ՊՍԺ-ն պատրաստ է առաջարկել խաղացողին տարեկան 4 մլն եվրո:
Լիգա 1-ի 2012/13թթ մրցաշրջանում Վերատին անցկացրել է 27 հանդիպում՝ դառնալով 4 գոլային փոխանցման հեղինակ:
