Apple ընկերությունը իր iPhone սմարթֆոնների համար թողարկել է նոր հավելված, որը թույլ է տալիս տերևի արտաքին տեսքով որոշել տվյալ ծառի տեսակը:
Ծառի որոշման համար առաջին քայլը պետք է լինի տերևը նկարելը: Դրանից հետո հավելվածը որոշում է նրա հստակ ձևը` օգտագործելով այն ալգորիթմը, որը ստեղծել են Մերիլենդի և Կոլումբիայի համալսարանների մասնագետները, մարդկանց դեմքերը որոշելու գործում:
Հավելվածն ապա իր տվյալների բազայում համադրում է նկարը և որոշում ծառի տեսակը: Այն դեպքում, երբ LeafSnap ծրագիրը չի կարողանում միանշանակ որոշում կայացնել, օգտատիրոջն առաջարկվում է այլընտրանքային տարբերակ (օրինակ` տվյալներ այն մասին, թե որտեղ են տարածված թեկնածու ծառերը, ինչ տեսք ունեն նրանց ծաղիկներն ու սերմերը և այլն):
Հավելվածի մեջ առայժմ տեղեկություններ կան միայն Նյու Յորքում և Վաշինգտոնում տարածված ծառերի մասին, սակայն հետագայում մասնագետները խոստանում են ավելացնել տվյալների բազան: Օգտագործելով LeafSnap հավելվածը` օգտատերերն օգնում են մասնագետներին տեղեկություններ հավաքել քաղաքների ֆլորայի մասին, այն կցվում է հեռախոսի գտնվելու վայրի հետ:
2009թ.-ին Մեծ Բրիտանիայում գործարկվել է մեկ այլ ծրագիր` տեղեկություններ հավաքելու համար: Այս նախաձեռնությանը մասնակցել ցանկացողները կարող են ձայնագրել շրջապատի ձայները բջջային հեռախոսի վրա և ուղարկել այն գիտնականներին, որոնք կազմում են ձայնային քարտեզ: