Նավթ արտահանող երկրների կազմակերպությունը (ՕՊԵԿ) մարտի համեմատ ապրիլին օրական 188 հազար բարելով մեծացրել է նավթի արդյունահանումը՝ հասցնելով օրական 32.44 մլն բարելի։ Այս մասին հայտնում է RIA Novosti-ն՝ հղում անելով կազմակերության մայիսյան զեկույցին։
Այսպիսով՝ ՕՊԵԿ-ը շարունակում է բարձրացնել արդյունահանման սեփական քվոտան, որը պաշտոնապես կազմում է օրական 30 մլն բարել։
Նշվում է, որ արդյունաբերությունը մեծացել է հիմնականում Իրանում և Իրաքում՝ միևնույն ժամանակ կրճատվելով Նիգերիայում և Քուվեյթում։
Միևնույն ժամանակ, Bloomberg գործակալության տվյալներով՝ ՕՊԵԿ-ն ապրիլին արդյունահանել է 32.76 մլն բարել նավթ։ Վերջին անգամ կարտելը նման մակարդակի է հասել 2008 թվականի օգոստոսին։
Դա տեղի է ունեցել առաջին հերթին Իրանի հաշվին, որը հասել է արդյունահանման մինչպատժամիջոցային մակարդակ (օրական 3.56 մլն բարել,), այսինքն՝ մոտ 5 տարվա առավելագույնի։