Ադրբեջանական Apа լրատվական գործակալության փոխանցմամբ՝ առաջիկայում ՆԱՏՕ-ի գլխավոր քարտուղար Անդերս Ֆոգ Ռասմուսենը և ԱՄՆ բարձրաստիճան պաշտոնյաները քննարկելու են Հարավային Կովկասի «սառեցված» հակամարտությունների և տարածաշրջանի հետ կապված քաղաքականության հարցերը:
Մայիսի 12-ին Ռասմուսենը Վաշինգտոնում ամերիկյան վերլուծաբանների առջև հանդես է գալու «Նոր ՆԱՏՕ, անվտանգության նոր մարտահրավերներ» խորագրով զեկույցով:
Ռասմուսենի այցի օրակարգում են լինելու տարածաշրջանային ու ինտեգրացիոն հարցերին առնչվող ՆԱՏՕ-ի առաջնահերթ խնդիրները:
Նշվում է, որ Ռասմուսենն այցելելու է Վաշինգտոն, Ատլանտա, Օստին ու Չիկագո:
Հիշեցնենք, որ Դանիայի 48-րդ վարչապետ Ռասմուսենը ՆԱՏՕ-ի 12-րդ գլխավոր քարտուղար է դարձել 2009 թվականի օգոստոսի 1-ին: