Նոր նավթահանքերի համաշխարհային մշակումն 60 տարվա ընթացքում հասել է նվազագույն մակարդակի, ինչը վկայում է առաջիկա 10 տարում մատակարարումների պոտենցիալ կրճատման մասին՝ հայտնում է Financial Times-ը։
IHS խորհրդատվական գործակալության տվյալներով՝ 2015 թվականին հայտնաբերվել են 2.8 մլրդ բարել հում նավթ և հարակից հեղուկ։ Դա նվազագույն ցուցանիշն է 1954 թվականից ի վեր, և այն արտացոլում է նավթի հետազոտման վրա տնտեսելու մի շարք ընկերությունների ձգտումը։
Այդուհանդերձ, այդ տվյալները չեն վկայում այն մասին, որ աշխարհում նավթը վերջանում է։
Ինչպես նշում է Wood Mackenzie-ն՝ ևս մեկ խորհրդատվական գործակալություն, վերջին տարիներին նավթի արտադրությունն աշխարհում մեծացել է արդեն գոյություն ունեցող, այլ ոչ թե նոր հանքերի հաշվին։ Սակայն եթե նոր հանքերի մշակման հետ կապված իրավիճակը չփոխվի դեպի լավը, դա կհանգեցնի 2035 թվականին օրական միջինը 4.5 մլն բարելով համաշխարհային մատակարարումների դեֆիցիտի։ Դրա պատճառով նավթի գները կաճեն, իսկ աշխարհը կդառնա ավելի կախված ցամաքային հանքերից։
Նշվում է, որ նոր հանքերի մեծ մասը ծովերի ընդերքում են։ Նման բարդ պայմաններում դրանց մշակման վրա կծախսվի մոտ 7 տարի։