Կուբայի իշխանությունները քննարկում են այդ երկրի քաղաքացիներին ազատ ճամփորդելու հնարավորություն տրամադրելու հարցը: Այս մասին հաղորդում է BBC-ն: Երկիրն ազատ լքելու իրավունքի տրամադրումը մեկն է այն 313 բարեփոխումներից, որոնք առաջարկվել էին Կուբայի կոմունիստական կուսակցության վերջին համագումարի ժամանակ:
Կուբայի կառավարությունն այս օրենքի փոփոխության հետ կապված մանրամասներ չի ներկայացնում: Սպասվելիք բարեփոխման մասին ասվում է քարոզչական թռուցիկների մեջ, որոնք տարածել է Կուբայի իշխող կուսակցությունը: Մինչ այժմ, Կուբան լքելու համար այդ երկրի քաղաքացիները պետք է ստանան ոչ միայն այլ երկրի մուտքի արտոնագիր, այլ նաև ելքի թույլտվություն:
