«Առաջին լրատվականն» արդեն տեղեկացրել էր, որ ՏՏ ոլորտի երկու խոշորագույն ընկերություններ` Microsoft-ն ու Facebook-ը, ցանկանում են գնել IP հեռախոսակապի և տեսակապի ծառայություններ մատուցող Skype ընկերությունը:
Այսօր The Wall Street Journal-ը հաղորդել է, որ բանակցություններում հաջողել է Microsoft ընկերությունը, և որ գործարքը գնահատվում է 7-8 մլրդ դոլար: Այդ մասին կարող է հայտարարվել շատ շուտով: Միաժամանակ նշվում է, որ բանակցությունները դեռ ավարտված չեն, և կա հավանականություն, որ գործարքը չի կայանա:
Հաշվի առնելով Skype-ի կուտակած պարտքերը՝ կարելի է կանխատեսել, որ ընկերությունը Microsoft-ին կարժենա 8.5 մլրդ դոլար: Թե՛ Microsoft-ի և թե՛ Skype-ի ներկայացուցիչներն այս տեղեկությունները հրաժարվում են մեկնաբանել:
