Ադրբեջանական Trend լրատվական գործակալության փոխանցմամբ՝ Ադրբեջանում ԱՄՆ դեսպան Ռոբերտ Սեկուտան լրագրողների հետ զրույցում հայտարարել է, որ «Հարավային գազային միջանցք» նախագիծը, որը նախատեսված է ադրբեջանական գազը Եվրոպա հասցնելու համար, բացառիկ դեր ունի ԵՄ էներգաանվտանգության ապահովման համար:
Նրա խոսքով՝ ԱՄՆ-ը շարունակելու է «Հարավային գազային միջանցք» նախագծի շուրջ աշխատել Ադրբեջանի ու ԵՄ-ի հետ: Սեկուտան հավելել է, որ ոչ վաղ անցյալում ԵՄ-ի հետ քննարկումներ են անցկացվել նավթային ոլորտի վերաբերյալ:
«Այդ քննարկումների կարևոր մասը կազմել է Եվրոպայի էերգաանվտանգության ապահովումը: Քննարկումների ժամանակ հատկապես ընդգծվել է կարևոր դերը, որն այդ ոլորտում խաղում է Ադրբեջանը»:
