Բրյուսելում կայացած Վրաստանի էներգետիկ զարգացման թեմայով քննարկմանը` ԵՄ-ն առաջին անգամ Վրաստանն անվանել է էներգետիկ հարցում, հայտարարել է Վրաստանի վարչապետ Նիկոլոզ Գիլաուրին նոյեմբերի 9-ին կայացած կառավարության նիստում` ամփոփելով իր այցի արդյունքները Բրյուսել: Ն. Գիլաուրին նշել է, որ ԵՄ-ն հետաքրքրված է Վրաստանի հիդրոէներգետիկայի զարգացմամբ, եւ էներգետիկայի հարցերով եվրոհանձնակատար Գյունտեր Օթթինգերը կոչ է արել եվրոպացի գործարարներին ներդրումներ կատարել Վրաստան հիդրոկայանի կառուցման նպատակով այնպես, որպեսզի հետո իրականացնել էլեկտրաէներգիայի արտահանում եվրոպական երկրներ. «Եթե մինչ այժմ մենք էլեկտրաէներգիա էինք մատակարարում Թուրքիա, Ռուսաստան, Ադրբեջան եւ Հայաստան` այժմ մենք քննարկում ենք Եվրամիության երկրներ էլեկտրաէներգիա մատակարարելու շուրջ»:
Ն. Գիլաուրին նշել է նաեւ մեկ այլ ուղղություն, որում ԵՄ-ն մտադիր է ակտիվացնել համագործակցությունը Վրաստանի հետ` դա Վրաստանի տարածքով ԵՄ գազի տրանզիտի իրականացաումն է. «Այս ուղղությամբ դիտարկում ենք մի շարք ծրագրեր, որոնցից մեկը NABUCCO-ն է եւ երկու ծրագիր՝ Սեւ ծովից Բուլղարիա եւ Ռումինիա հեղուկ գազի տրանզիտի վերաբերյալ», հայտնում է ռուսաստանյան REGNUM-ը: