Samsung ընկերությունը ներկայացրել է լուսադիոդային լուսավորմամբ 3D հեռուստացույցը: Հեռուստաէկրանի անկյունագծային երկարությունը 190սմ է, ինչն ամենամեծն է շուկայում ներկայացված բոլոր մոդելների մեջ: Այս մասին գրում է Lenta.ru կայքը` հղում կատարելով Akihabaranews կայքին:
Հեռուստացույցն ունի Wi-Fi կապի հնարավորություն, ինչպես նաև համացանցում աշխատելու համար բրաուզեր և հավելվածներ: Հեռուստացույցի վրա կարելի է տեղադրել Skype, օգտվել Facebook-ից և Twitter-ից, ինչպես նաև այլ հավելվածներից, որոնք հասանեի են Smart TV Apps խանութում: Հեռուստացույցն աշխատում է 240 հերց հաճախականությամբ:
Այն հասանելի է դեռ միայն հարավկորեական շուկայում և արժե մոտ 17.6 հազար դոլար:
