ԱՄՆ ազգային հետախուզության տնօրեն Ջեյմս Կլեպերը հանդես է եկել հայտարարությամբ՝ ասելով, որ ԶԼՄ-ների գործողությունները, որոնց արդյունքում ամերիկացիների մասին տեղեկությունների հավաքման օպերացիան լայն արձագանք է ստացել, «հիմարություն» են: Այս մասին հայտնում է France Presse գործակալությունը:
Երեկ Wall Street Journal-ում հրապարակված տեղեկության համաձայն՝ ԱՄՆ հետախուզական հանրությունը երկրի տարածքում երեք խոշոր բջջային օպերատորների սպասարկած զանգերի մասին հավաքել է տվյալներ, տեղեկություններ որոնողական հարցումների, էլեկտրոնային փոստերի և սոցցանցերի, կրեդիտ քարտերի միջոցով տարանցումների մասին:
Կլեպերի խոսքով՝ ծրագիրը շարունակում է շատ կարևոր գործիք մնալ ազգային անվտանգության պաշտպանության գործում, պարզապես ԶԼՄ-ները շտապել են նյութի տարածման հարցում՝ չունենալով լիարժեք տեղեկատվություն, ներառյալ իշխանության երեք ճյուղերի եզրակացությունները:
Նա ծրագիրը համարում է «կենսական կարևոր» ինչպես ԱՄՆ-ի, այնպես էլ նրա դաշնակիցների համար:
Ավելի վաղ Կլեպերը հայտնել էր, որ գաղտնալսումը կատարվում է միայն դատարանի թույլտվությամբ և ահաբեկչության դեմ պայքարի նպատակով:
