Ամերիկացի ակտիվիստուհին մտադիր է Նյու Յորքի քաղաքային իշխանություններից պահանջել վերանվանել այն փողոցը, որը կոչվել էր՝ ի պատիվ դեմոկրատ կոնգրեսմեն և Գերագույն դատարանի դատավոր Սամուել Դիքսթայնի: Նա իր պահանջը հիմնավորել է նրանով, որ տարիներ անց պարզվել է՝ կոնգրեսմենը եղել է խորհրդային լրտես:
Samuel Dickstein Plaza-ն կոչվել է Դիքսթայնի անունով 1963թ.-ին՝ նրա մահվանից 9 տարի անց, քանի դեռ Մոսկվայում չէր պարզվել, որ նա աշխատել է խորհրդային հետախուզության օգտին:
«Նա կոնգրեսական է եղել, և միևնույն ժամանակ շահամոլ և ռուսներին գաղտնիքներ է վաճառել ոչ թե իր գաղափարների, այլ միայն փողի համար: Ես ապշած էի»,- ասել է Henry Street Settlement սոցիալական ծառայության մարքեթինգի բաժնի ղեկավար Սյուզան ԼաՌոսան:
