Իսպանացին պատրաստվում է պաշտպանել իր մաքուր անունն ու բարի համբավը:
«Այս գործով ես ոչ միայն ցանկանում եմ պաշտպանել իմ մաքուր անունն ու մարզիկի բարի համբավը, այլև այն արժեքները, որ պահպանել ու պաշտպանել եմ ամբողջ մարզական կարիերայիս ընթացքում:
Ես միևնույն ժամանակ ցանկանում եմ, որ դադարեն այն դեպքերը, երբ հասարակական գործիչներն անհիմն արտահայտվում, մեղադրում են մարդկանց տարբեր հարցերում՝ չունենալով ոչ մի հիմք, բայց մնում են անպատժելի:
Եթե դատարանը գտնի, որ իմ անունն անհիմն է շահարկվել Ֆրանսիայի սպորտի նախկին նախարարի կողմից, ու դրա դիմաց հատկացվի ինձ փոխհատուցում, ապա այդ փոխհատուցումն ամբողջությամբ տրամադրվելու է Ֆրանսիայում գործող հասարակական կազմակերպություններին ու հիմնադրամներին»,- ասել է Ռաֆայել Նադալը:
Հիշեցնենք, որ Ֆրանսիայի սպորտի նախկին նախարարը Նադալին մեղադրել էր արգելված խթանիչներ օգտագործելու մեջ: