Ավստրիայի և Թուրքիայի միջև սկսվել է դիվանագիտական սկանդալ: Հղում կատարելով թուրքական Hurriyet թերթին՝ այս մասին հաղորդում է 1 News.az -ը: Ավստրիայում Թուրքիայի դեսպան Կադրի Էջվետ Թեզջանին Ավստրիայի ԱԳՆ-ն բողոքի նոտա է ուղղել վերջինիս արած հայտարարության համար, թե «Ավստրիան արտասահմանցիների նկատմամբ խտրական քաղաքականություն է վարում»:
Աղբյուրի փոխանցմամբ, այս խայտառակ դեպքի «մեղավորը» ավստրիական Die Presse-ին թուրք դեսպանի տված հարցազրույցն է: Հարցազրույցի ժամանակ Թեզջանը մեղադրել է Ավստրիայի իշխանություններին արտասահմանցիների նկատմամբ խտրկանություն կիրառելու համար: Բացի այդ, դեսպանը նաև նշել է, որ եթե Վիենայում չլինեին ՕՊԵԿ-ի և ԵԱՀԿ-ի և ուրիշ միշազգային կազմակերպությունների գրասենյակներ, ապա նա մեկ օր անգամ չէր մնա Ավստրիայում:
Աղբյուրի փոխանցմամբ Թուրքիայի արտգործնախարարությունը խնդրանքով դիմել է պաշտոնական Վիենային, որպեսզի այդ ամենը չանդրադառնա ավստրո-թուրքական հարաբերությունների վրա:
Թուրքիայի դեսպանի հայտարարությունները Ավստրիայում կտրուկ արձագանքի են արժանացել: Մասնավորապես Ավստրիայի «Ուլտրաազգայնական» կուսակցության ղեկավար Հարալդ Վիլիմսկին հայտարարել է, որ պետք է ամբողջովին խզել բոլոր դիվանագիտական հարաբերությունները Թուրքիայի հետ:
Թուրքական դիվանագիտության այս զեղումից կարելի երկու հետևություն անել. կա՛մ Թուրքիան դժգոհ է արտասահմանցիների նկատմամբ Ավստիայի իշխանությունների վարած քաղաքականությունից, կա՛մ Թուրքիայի դիվանագիտական կորպուսի ներկայացուցիչը այնքան էլ տեղեկացված չէ իր երկրի քաղաքական դիրքորոշման մասին այն պետության նկատմամբ, որտեղ գործուղվել է:
