«Ես չեմ հավատում, որ այս իշխանություններից որևէ մեկը պետք է բացահայտի Մարտի 1-ը, քանզի Մարտի 1-ը բացահայտողները նույն հանցագործներն են: Ես չեմ հավատում Հատուկ քննչական ծառայությանը և Վահագն Հարությունյանին»,- «Առաջին լրատվականի» հետ զրույցում, անդրադառնալով արդարադատության նախարարի այն հավաստիացումներին, թե քննչական գործողություններ են ընթանում Մարտի 1-ի բացահայտման ուղղությամբ, կարծիք հայտնեց Մարտի 1-ին սպանված Տիգրան Խաչատրյանի մայրը` Ալլա Խաչատրյանը, և հավելեց, որ այս ամենը ուղղակի իմիտացիա է:
Տիկին Խաչատրյանը տեղեկացրեց, որ Հատուկ քննչական ծառայությունից մինչ օրս իրենց չեն դիմել որպես տուժողի իրավահաջորդ և իրենցից նոր տեղեկություններ չեն խնդրել:
Նա նաև հավելեց, որ Մարտի 1-ը վաղուց բացահայտված է. «Ուղղակի պետք է իշխանություններն այնքան կամք ունենան, որ հանցագործներին պատժեն, բայց քանի որ իրենք էլ են այդ հանցագործների մեջ, ապա կմնան անպատիժ»: