Զամբիայի ազգային արժույթը՝ կվաչան, ընթացիկ տարում աճի տեմպերով գերազանցել է աշխարհի մնացած բոլոր դրամական միավորներին՝ հայտնում է Bloomberg գործակալությունը։
Բացի դրանից՝ ներդրումները կվաչայում եղել են ավելի շահութաբեր, քան ներդրումները ոսկում, արծաթում և այլ թանկարժեք մետաղներում։
2016 թվականին առաջին 3.5 ամիսներին կվաչան դոլարի նկատմամբ թանկացել է 19.9 տոկոսով։ Արժույթի աճին նպաստում է պղնձի համաշխարհային գների աճը։ Պղինձը Զամբիայի կողմից արտահանվող հիմնական ապրանքն է։ Դրան է բաժին ընկնում երկրի արտահանումից ստացվող եկամուտների 70 տոկոսը։
Անցած տարի արժույթն անկում էր ապրել մի քանի հանգամանքի համադրությունից, ներառյալ պղնձի գների անկումը, երկրի էներգետիկայում ճգնաժամը և բյուջեի բարձր դեֆիցիտը։