ԱՄՆ տնտեսությունում չինական ներդրումները 2016 թվականին կարող են հասնել ռեկորդային՝ 30 մլրդ դոլարի։ Այս մասին գրում է The Wall Street Journal-ը։
Rhodium Group հետազոտական ընկերության և ամերիկա-չինական հարաբերությունների զարգացման ԱՄՆ ազգային կոմիտեի տվյալներով՝ եթե 2014 թվականին ԱՄՆ-ում Չինաստանի ներդրումները կազմել են 11.9 մլրդ դոլար, 2015 թվականին՝ 15 մլրդ դոլար, ապա 2016 թվականին դրանք կարող են կրկնակի մեծանալ։
Ինչպես նշում է պարբերականը՝ անցած տարի Չինաստանի ներդրումներն արտերկրում կազմել են 120 մլրդ դոլար, որից միայն 1/8 մասն է բաժին ընկել ԱՄՆ-ին։ Սակայն Չինաստանը ձգտում է շեշտը դնել տեխնոլոգիաների, ծառայությունների մատուցման ոլորտի վրա, այդ իսկ պատճառով ներդրումների ծավալն ԱՄՆ-ում աճում է արագ տեմպերով։
