Ապրիլի 13-ին «Հայելի» ակումբը հյուրընկալել էր երգիչ երգահան Ռուբեն Հախվերդյանին:
Ասուլիսի ժամանակ Մարտակերտում գտնվող իր ազատամարտիկ ընկերը՝ Վարդան Գևորգյանը հեռախոսով ասաց. «Պեչենի ու կոնֆետ պետք չի, թող «նաչնոյե վիդենյե», «տեպլավիզոր» ուղարկեն, որ տեսնենք, թե գիշերն ինչ է կատարվում»:
«Հակառակորդը բոլորովին չէր սպասում, որ նման հակահարված կլինի, իսկ ռուսների համար միևնույն էր, ինչ է կատարվում: Ռուբեն Հախվերդյանի խոսքով, նրանք միշտ էլ հավատարիմ են մնացել «Հայաստանը առանց հայերի» սկզբունքին: Անդդրադառնալով ապրիլի 2-ից սկսված գործողություններին՝ Ռուբեն Հախվերդյանը շեշտեց, որ ժողովուրդը բացառապես իր արյամբ պահեց հողը:
Ըստ Ռ. Հախվերդյանի՝ արդեն ապացուցված է, որ մենք իշխանություն չունենք. « Ղարաբաղի զորքերի ընդհանուր հրամանատարը պետք է հրաժարական տա: Պետք է հրաժարական տա հատկապես Կառավարությունը:
«Նրանք պետք է ապրեն աշխատավարձերով, բայց ապրում են իրենց բիզնեսներով: Ռոբերտ Քոչարյանը միլիարդատեր է, Սերժ Սարգսյանի մասին բոլորս գիտենք, բոլորին պետք է «ռասկուլաչիտ» անել: Նրանցից շատերը Քրեական օրենսգրքով պետք է պատասխան տան»,- ասաց Հախվերդյանը:
Մանրամասները՝ տեսանյութում:
