Վրացական Apsny.ge կայքի փոխանցմամբ, վրաց-ամերիկյան հարաբերությունների հաջորդ փուլում անխուսափելի է դառնալու անցագրային ռեժիմի վերացումը: Այս մասին հայտարարել է Վաշինգտոնում Վրաստանի դեսպան Թեմուր Յակոբաշվիլին:
Վերջինս, անդրադառնալով անցագրային ժամկետի երկարաձգման վերաբերյալ ԱՄՆ կառավարության երեկվա որոշմանը, նշել է.
«Մենք աննախադեպ հաջողություն ենք ունեցել: Առայժմ դա այն առավելագույնն է, որին մենք կարող էինք հասնել տվյալ փուլում: ԱՄՆ-ը շատ քիչ երկրների հետ է գտնվում նմանատիպ հարաբերությունների մեջ: Վաշինգտոնի հաջորդ քայլը լինելու է անցագրային ռեժիմի վերացումը»:
Հիշեցնենք, որ ԱՄՆ կառավարության որոշմամբ, վրացի զբոսաշրջիկների աշխատավոր միգրանտների համար անցագրային ժամկետը երկարաձգվել է առավելագույն չափով` մինչև 10 տարի, իսկ Վրաստանի 11 կարգի քաղաքացիների (ուսանողներ, գիտնականներ, կրոնական գործիչներ և այլք) համար` մինչև հինգ տարի ժամկետով:
Այս որոշումն արդեն մտել է ուժի մեջ:
