Եվրոպայի քրեական խմբավորումները սկսել են զանազանել իրենց մեթոդները և ավելի հաճախ են դիմում ինտերնետի օգնությանը: Այս մասին հաղորդում է The New York Times օրաթերթը` հղում կատարելով Միացյալ եվրոպական ոստիկանական ծառայության` Եվրոպոլի զեկույցին:
Քրեական սինդիկատներն ավելի հաճախ են կիրառում նոր տեխնոլոգիաները, այդ թվում` Skype-ը: Նրանք նաև օգտագործում են Facebook սոցիալական ցանցը, որի միջոցով մոլորության մեջ են մտցնում իրենց պոտենցիալ զոհերին կամ կազմակերպում իրենց խմբավորումների աշախատանքը:
Սակայն ինտերնետի օգտագործումը չի վերաբերում միայն կրեդիտային քարտերի կամ պոռնոգրաֆիայի տարածմանը: Ինտերնետը նպաստում է նաև թմրանյութերի անօրինական շրջանառությանը, անօրինական միգրացիայի ծավալմանը, կեղծված ապրանքների վաճառքին: