«ՍԹԱՐ» ընկերությունում տեղի է ունեցել ռեբրենդինգ և բաժնետիրոջ փոփոխություն: Այս մասին այսօր լրագրողների հետ հանդիպման ժամանակ հայտնեց ընկերության գործադիր տնօրեն Վահան Քերոբյանը:
Արդեն երկար ամիսներ ընթացող բանակցություններից հետո Սթարի 100% բաժնետոմսերը գնել է Բրիտանական Վիրջինյան կղզիներում գրանցված Viest Assets ընկերությունը:
«Մենք այսուհետ ավելի մոտ ենք լինելու մեր սպառողներին , նոր մոտեցումներ ենք դրսևորելու որակ և թարմությունը ապահովելու համար»,- «ՍԹԱՐ»-ի նոր գործելաոճը ներկայացնելով` ասաց պարոն Քերոբյանը: Ցանցը նաև նախատեսում է ցածր գնային սեկտորից անցնել միջին սեկտորին:
Սթարի ռեբրենդինը իրականացվել է «Dunlop Consultancy» անգլիական խորհրդատվական ընկերության կողմից: «Մենք Սթարում տեսանք և՛ շատ լավ, և՛ շատ վատ բաներ: Դա նորմալ է, ամենուր էլ այդպես է: Լավագույն արդյունք ստանալու համար պետք է պարզել, թե ինչ է սպառողը ակնկալում քեզանից: Հույս ունենք ռեբրենդինգից հետո Սթարի հաճախորդը գոհ կմնա կատարված փոփոխություններից»,- ասաց ընկերության տնօրեն Ջոն Դանլոփը:
Մոտ օրերս Կենտրոն վարչական շրջանում գտնվող 3 ՍԹԱՐ սուպերմարկետները հանրությանը կներկայանան նոր տեսքով: Նախատեսվում է նաև 12 նոր առևտրի կենտրոն: