«Այսօր ընդհանրապես վարչապետը անգործության է մատնված, նրա ելույթը վերցրեք նայեք, դա խայատառակություն է: Երեխաներին սովորեցնում է, թե կաշառք չտաք դասախոսներին»,- այս մասին այսօր հրավիրված մամուլի ասուլիսի ընթացքում բարձրաձայնեց Մարքսիստական կուսակցության նախագահ Դավիթ Հակոբյանը:
Նրա խոսքերով, տնտեսական քաղաքականություն ընդհանրապես չկա (խոսքը վերաբերում է վարչապետի և վարչախմբի անգործությանը), քանի որ բացարձակ ոչինչ չի արվել և չի արվում: «Վերցնեք ագրարային քաղաքականությունը, ժողովրդի ուշադրությունը շեղել են ագրարային քաղաքականության վրա և ասում են` պետք է կաթնատվությունը հասցնենք 3000 լիտրի: Բոլշևիկյան կոլխոզային կաթնատվության քաղաքականություն են վարում: «Վարչապետը ծառի տակ նստած, ժակետը հագին, ասում է կուրծքը լավ ուռած է, կովին լավ մշակեք: Բա էդ կովի նյութատեխնիկական բազան ո՞վ պետք է ապահովի: Ինչպե՞ս պետք է խրախուսվի ագրարային քաղաքականությունը»,- հարց ուղղեց Դավիթ Հակոբյանը: