Ադրբեջանական Apa լրատվական գործակալությանփոխանցմամբ, Սերբիան Ղարաբաղյան հակամարտության կարգավորման հարցում աջակցում է Ադրբեջանի տարածքային ամբողջականությանը: Այս մասին Ադրբեջանի արտգործնախարար էլմար Մամեդյարովի հետ կայացած հանդիպման ժամանակ հայտարարել է Սերբիայի նախագահ Բորիս Տադիչը.
«Սերբիան Ղարաբաղյան հակամարտության կարգավորման հարցում պաշտպանում է Ադրբեջանի ինքնիշխանությունն ու տարածքային ամբողջականությունը: Մենք շնորհակալ ենք Ադրբեջանին` Կոսովոյի հարցում Սերբիային աջակցելու համար: Ադրբեջանն օժտված է էներգետիկ մեծ պաշարներով և վարում է արտաքին ու էներգետիկ հավասարակշիռ քաղաքականություն: Սերբիան շահագրգռված է էներգետիկ ոլորտում Արբեջանի հետ կապերի խորացմամբ»:
Հիշեցնենք, որ Մամեդյարովի սերբական այցի արդյունքում հայտնի դարձավ, որ հունիսի 8-9-ին Ադրբեջանի նախագահ Իլհամ Ալիևն այցելելու է Սերբիա: