Մարտի 9-ին «Ռուսաստանի տիեզերական համակարգեր» ընկերության մասնագետները երկրագնդի իոնոսֆերայում գրանցել են անոմալ փոփոխություններ, սակայն չեն հասկացել` դրանք աղետի նախանշաննե՞ր են, թե՞ ոչ:
Ընկերության աշխատակից, տեխնիական գիտությունների դոկտոր Ալեքսանդր Ռոմանովը Interfax գործակալությանն ասել է, որ այդ օրը ստուգելով Սախալինում տեղադրված իրենց սարքերից ստացված տեղեկությունները ցույց են տվել փոփոխություններ, որոնք բնորոշ չեն այս տարածաշրջանին:
«Վերլուծելով տարածաշրջանում սեյսմիկ ակտիվության վերաբերյալ տեղեկությունները` մենք պարզել ենք, որ իոնոսֆերայում տեղի ունեցած փոփոխություններից 7 ժամ անց Ճապոնիայում գրանցվել են ցնցումներ», նշել է նա: Այս փոփոխությունները գրանցվել են էպիկենտրոնից 500 կմ հեռավորության վրա:
Սակայն Ռոմանովը նշել է, որ դեռ վաղ է այս կանխատեսումների վրա հիմնվելը, քանի որ իոնոսֆերայի այդ փոփոխությունները կարող են միայն վկայել, որ «մի բան այն չէ»:
Հիշեցնենք, որ 2011թ. մարտի 11-ին Ճապոնիայում տեղի է ունեցել 9.0 բալ ուժգնությամբ երկրաշարժ, որին հաջորդել է ավելի քան 30 մետր բարձրությամբ ցունամին: Այս պահին զոհվածների և անհայտ կորածների ցուցակներում կա ավելի քան 28 հազար անուն:
