Sony ընկերությունում կարծում են, որ PlayStation խաղային կայքից օգտատերերի գողացված տվյալները գտնվում են Wikileaks ընկերությանն աջակցած Anonymous (թարգմանաբար` «Անանուն») հաքերական խմբի մոտ: Այս ամսին հաղորդում է Associated Press գործակալությունը:
Այս մասին ճապոնական ընկերությունը հայտնել է ԱՄՆ Կոնգրեսին, որի անդամները կորպորացիային հարցում էին ներկայացրել, հաղորդում է Sony Computer Entertainment America ընկերության ղեկավար Կազուո Հիրային: Նա պնդում է, որ լայնամասշտաբ DDoS հարձակումն իրականացվել է Anonymous հաքերական խմբի կողմից որպես վրեժխնդրություն` Sony-ի կողմից խմբի անդամներից մեկի դեմ ներկայացված դատական հայցի համար:
Մեղադրանքը հնչեցվել է այն բանից հետո, երբ Sony-ի սերվերը կոտրելուց հետո նրա վրա հայտնաբերվել է Anonymous անվանումով ֆայլ:
Հիշեցնենք, որ Sony-ի PlayStation խաղային կայքի վրա հարձակումը տեղի էր ունեցել երկու շաբաթ առաջ, ինչից հետո ճապոնական ընկերությունը հայտարարել էր, որ գողացվել են մի քանի միլիոն օգտատերերի անձնական տվյալներ, այդ թվում` բանկային քարտերի համարներ:
