ԱՄՆ-ի նախագահ Բարաք Օբաման և Ինդոնեզիայի նախագահ Սուսիլո Բամբամգ Յուդհոյոնոն Ջակարտայում համաձայնագիր են ստորագրել «Համապարփակ համագործակցության մասին»: Այդ մասին ասված Է Սպիտակ տան կողմից նախօրյակին տարածված հայտարարության մեջ:
Այդ փաստաթղթի համաձայն, որը համաձայնեցվել էր մոտ մեկ տարի առաջ, «ԱՄՆ-ն և Ինդոնեզիան նոր դարագլուխ են բացում երկկողմ հարաբերություններում, որոնք հիմնված են փոխադարձ հարգանքի, ընդհանուր շահերի ու արժեքների վրա»:
Կողմերը մտադիր են խորացնել համագործակցությունը անվտանգության, տնտեսության, կրթության, գիտության, ինչպես նաև ռազմական ոլորտում: ԱՄՆ-ն և Ինդոնեզիան նաև մի շարք համատեղ նախագծեր են ծրագրում ահաբեկչության դեմ պայքարի, ծովային անվտանգության, աղետներին հակազդելու և հումանիտար օգնության ոլորտներում: