«Առաջին լրատվական»-ը շարունակում է հրապարակել Հոկտեմբերի 27-ի քրեական գործով քաղաքական գործիչների հարցաքննությունները:
Ստորև ներկայացնում ենք 1995 թվականին ԱԺ պատգամավոր Հակոբ Հակոբյանի (Լեդի) հարցաքննությունը
հ.9
գ.թ. 32-33
5.11.99
18.05-19.10 ՀԱԿՈԲՅԱՆ ՀԱԿՈԲ ՎԱՐԴԱՆԵՍԻ (ԼԵԴԻ)
ԱԺ պատգամավոր
Քննիչ՝ Է. Գյուլնազարյան
գ.թ. 32.
1999 թ. (սեպտեմ) մայիսի 30-ից ընտրվել եմ ՀՀ Ազգային ժողովի պատգամավոր N 14 ընտրատարածքից մեծամասնական ցուցակով: Ներկայումս որպես պատգամավոր ընդգրկված եմ Պաշտպանության, ներքին գործերի եւ ազգային
գ.թ. 32. հ. երես
անվտանգության մշտական հանձնաժողովում որպես նախագահի տեղակալ: Ես որևէ կուսակցության անդամ չեմ եղել:
1999 թ. հոկտեմբերի 27-ին ես առավոտյան ժամը 10-ից եղել եմ ԱԺ-ի նիստերի դահլիճում և մասնակցել քննարկվող 3 հարցերին և քվեարկությանը, որից հետո էլ ներկա եմ եղել ժամը 16.30-ից կառավարության անդամներին ուղղված հարց ու պատասխանին: Ես նստած եմ եղել այդ օրը դահլիճի 6-րդ շարքի N 15 տեղը, որը կցված էր պատգամավոր Արմենակ Արմենակյանին, սակայն ես նրա հետ մինչ այդ իմ տեղը՝ N 16 աթոռը փոխել էի: Իմ կողքը նստած էր Արմենակյան Արմենը, մյուս կողքս՝ Պարույր Կարապետյանը: Իմ առջևում նստած էր Մադաթյան Էդուարդը, հետևումս նստած էր մյուս Հակոբյան Հակոբը: Ես լավ հիշում եմ, որ պատգամավորներից հարցեր էին տալիս և ես դահլիճում էի մինչև պատգամավոր Ռուբիկ Հակոբյանը որ հարց տվեց բնապահպանության նախարար Վարդանյանին և նա սկսեց պատասխանել, այդ ժամանակ ես և Արմենակ Արմենակյանը դուրս եկանք դահլիճի աջ կողմի 3-րդ դռնից և մի 3-4 րոպե միջանցքում նստած սեղանի շուրջը ծխում էինք ես, Արմենակյանը, Եղիազարյան Գուրգենը: Դահլիճից դուրս էլի պատգամավորներ կային նստած, կանգնած, խոսում զրուցում էին, որոնցից հիշում եմ պատգամավոր Մուշեղ Մովսիսյանին, որը նույն 3-րդ դռնից, դահլիճից դուրս եկավ: Ես նկատեցի, որ նրա ընդհանուր տեսքը այլայլված, լարված և ապուշացած վիճակ էր, մի տեսակ ուռած: Ինձ թվաց, թե նա կամ հիվանդ է,
գ.թ. 33
կամ խմած: Ես ճիշտն ասած, զարմացա մի տեսակ նրան այդ վիճակում տեսնելով և մոտենալով հարցրի ՙարա էդ ի՞նչ ա վիճակդ, հո խմած չե՞ս՚, իսկ նա ինձ պատասխանեց, մի տեսակ վախեցած, ՙհիվանդ եմ՚: Ես էլ ճիշտն ասած, շուտ մտա դահլիճ, քանի որ բարձրախոսով լսեցի, որ խոսում և հարցի է պատասխանում վարչապետ Վ. Սարգսյանը և դեռ Արմենակյանին էլ ասացի, արի գնանք ներս, Սարգսյանն է խոսում, ամոթ է: Նա ինձ ասաց, դու գնա, ես հիմա գալիս եմ և ես դահլիճ էի մտնում, որ իմ դեմ դուրս եկավ Մուշեղ Մովսիսյանը՝ այլայլված վիճակում: Նա չէր ծխում և կարծես ինչ որ մեկին էր փնտրում: Դա ժամը 17.10-15-ն էր: Ես մտա ներս և նստեցի իմ տեղում և Վազգեն Սարգսյանի պատասխանից հետո, հարց տվեց պատգամավոր Ֆրունզե Խառատյանը, որին պատասխանում էր ֆինանսների նախարար Լևոն Բարխուդարյանը: Դա մոտավորապես ժամը 17.15-20 էր: Լևոնի խոսելու ընթացքում, դահլիճի աջ կողմի առջևի դռնից ներս խուժեցին երկու հոգի, հայհոյանքներ տալով և նրանցից մեկը որը բաց գույնի երկար պլաշով էր, ավտոմատի կրակահերթ բաց թողեց առջևում նստած վարչապետ Վ. Սարգսյանի վրա, իսկ մյուսը շտապ բարձրացավ բեմ և ավտոմատով կրակ բացեց Դեմիրճյան Կարենի և Յուրի
գ.թ. 33. հ. երես
Բախշյանի վրա, որոնք վայր ընկան գետին: Վարչապետն էլ թեքվեց նստած տեղում դեպի ձախ: նրանք հայհոյում էին վարչապետին, ասելով, որ արյունը ծծել են ժողովրդի և նման այլ անպատիվ խոսքեր: Դրանից հետո բոլոր պատգամավորները պառկեցին գետին, վախենալով կրակոցներից: Որոշ ժամանակ, շուրջ 3 րոպե կրակելուց հետո, երբ դադար եղավ, ես մի 7-8 հոգու հետ սողալով, կրակոցների տակ դուրս փախանք, այս անգամ արդեն դահլիճի, դեպի բեմը նայելիս ձախից 3-րդ դռնից, որը դուրս է գալիս միջանցք: Իմ հետ էր նաև մյուս Հակոբյան Հակոբը, Կարապետյան Պարույրը, Մանուկ Գասպարյան, մյուսներին չեմ հիշում: Մեր հետևից, միջանցքում կրակեցին այդ տեռորիստներից մեկը՝ ավտոմատով, սակայն որևէ մեկս չվիրավորվեց: Դրանից հետո ԱԺ-ի խոհարարը մեզ ուղեկցեց դեպի օդափոխիչ սարքի տեղը I հարկում, թաքնվեցինք այնտեղ և վերցնելով երկու երկաթյա ձողեր, Պարույրի հետ թաքնվեցինք, մտածելով, որ եթե մեր հետևից գան, դրանով պաշտպանվեցինք: Հետո դուրս եկանք շենքից, գնացինք ԱԺ-ի գարաժ, որտեղ կանգնած էր իմ Ջիպը որի մեջ թաքնվեցինք: Դրանից հետո եկան իրավապահ մարմինները և շրջափակեցին ԱԺ-ի շենքի տարածքը:
Ահա բոլորը ինչին, որ ես ականատես եմ եղել: Մնացածը, վիրավորների և զոհերի մասին լսել եմ հետո, տղաներից և մամուլից: Եթե որևէ բան հիշեմ, հետո Ձեզ կհայտնեմ:
Ցուցմունքս կարդացի, գրված է ճիշտ իմ պատմածով
ՀԱԿՈԲՅԱՆ ՀԱԿՈԲ
