Թուրքական Zaman թերթի փոխանցմամբ, Ֆրանսիայի սենատը երեք ժամվա քննարկումներից հետո վճռել է մերժել Հայոց ցեղասպանության հերքումը քրեականացնող օրինագիծը:
Քվեարկության ժամանակ 196 սենատոր դեմ է քվեարկել դրան, 74-ը կողմ, իսկ 20-ը` ձեռնպահ: Արդյունքում, այդ նախագիծը դուրս մնաց Սենատի օրակարգից:
Հիշեցնենք, որ այդ օրինագծի հաստատման դեպքում Ֆրանսիայում Հայոց ցեղասպանությունը ժխտողներին կսպառնար մինչև 5 տարվա ազատազրկում ու կվճարեն 45.000 եվրո տուգանք:
Ֆրանսիայում Հայոց ցեղասպանությունը ճանաչող բանաձևեր ընդունվել են 1998, 2000 և 2001 թվականներին: Իսկ 2006 թվականի հոկտեմբերի 12-ին Ֆրանսիայի խորհրդարանի Ստորին պալատն ընդունեց (Հոլոքոսթի նման) Հայոց ցեղասպանությունը մերժողներին պատասխանատվության ենթարկելու օրինագիծը, որը ցայժմ չի վավերացվել Սենատի կողմից: