Թուրքական Dünya Bülteni լրատվական կենտրոնի փոխանցմամբ՝ Թուրքիան ու Հունաստանն աշխատանքներ են տանում համատեղ պատմություն գրելու և դասագրքեր պատրաստելու համար։ Այդ մասին Իզմիրում տեղի ունեցած թուրք-հունական բարձր մակարդակի համագործակցության խորհրդի 4-րդ նիստի արդյունքներով հայտարարել է Թուրքիայի վարչապետ Ահմեդ Դավութօղլուն։
Նրա խոսքերով՝ երկու երկրները համատեղ աշխատանքներ են իրականացնում մշակութային և կրթական ոլորտներում։ Դավութօղլուն կարևորել է, որ երկու ժողովուրդների հաջորդ սերունդներին հիշեցվի ոչ թե անցյալի բացասական դրվագների, այլ՝ առաջիկա տասնամյակներին ու հարյուրամյակներին գեղեցիկ կապեր հիմնելու մասին, որն էլ ծառայելու է համատեղ պատմություն գրելուն ու նոր դասագրքեր պատրաստելուն։
Հիշեցնենք՝ սրանից առաջ հաղորդվել էր, որ Ալեքսիս Ցիպրասը դարձել է վերջին 95 տարում Իզմիր այցելած Հունաստանի առաջին վարչապետը։ 1921 թվականին Իզմիր է ժամանել Հունաստանի վարչապետ Դիմիտրիս Գուարիսը։ Այդ ժամանակ Իզմիրը գտնվել է Հունաստանի վերահսկողության տակ, սակայն կարճ ժամանակ անց այն տիրել են քեմալականները։
