Արժույթի միջազգային հիմնադրամը կոչ է անում կրկնապատկել համաշխարհային տնտեսության վերականգնմանն ուղղված ջանքերը՝ գրում է Financial Times-ը։
Ինչպես հայտարարել է ԱՄՀ տնօրենի առաջին տեղակալ Դևիդ Լիփթոնը, համաշխարհային տնտեսությունը գտնվում է «դժվարին իրավիճակում»։
Նրա խոսքով՝ բոլոր երկրները պետք է հրատապ միջոցառումներ ընդունեն՝ ի պատախան տնտեսական աճի դանդաղման և նոր սպառնալիքների, որոնք ստեղծվում են հումքի և ֆինանսական շուկաներում տատանումներից։
«Ճիշտ ժամանակն է վճռականորեն աջակցելու տնտեսական ակտիվությանն ու ապահովելու համաշխարհային տնտեսության ավելի կայուն իրավիճակ»,- ասել է նա։
ԱՄՀ ներկայացուցիչն ընդգծել է, որ համաշխարհային տնտեսությունը մոտեցել է մի կետի, երբ նոր անկումը կարող է դառնալ սովորական, եթե պետությունները չընդունեն անհրաժեշտ միջոցառումներ։
