2013թ. մայիսի 22-ին «Առաջին լրատվական»-ը ներկայացրել էր տեսանյութ, որ մայիսի 15-ին Նոյեմբերյանի զորամասերից մեկում սպանված Լյուքս Ստեփանյանի հարազատների նկատմամբ 2013թ. մայիսի 18-ին Երևան-Սևան մայրուղում զինվորականների կողմից գործադրվել են բռնություններ:
Հաշվի առնելով հանրության հետաքրքրությունը` Գլխավոր դատախազության մամուլի ծառայությունը տեղեկացնում է, որ հրապարակումներում մատնանշված հանգամանքներն ստուգելու նպատակով ՀՀ զինվորական դատախազի հանձնարարությամբ ՀՀ ՊՆ ՔԾ ՀԿԳ քննչական բաժնում նախապատրաստվում են նյութեր:
Գլխավոր դատախազության մամուլի ծառայությունից հայտնում են, որ արդյունքների մասին կտեղեկացվի լրացուցիչ:
