Եվրամիությունն այսուհետ ՄԱԿ-ում կունենա իր ներկայացուցիչը: Նախկինում ռոտացիոն համակարգով ԵՄ անունից հանդես էին եկել այդ միության անդամ երկրների դեսպանները: ԵՄ ներկայության մակարդակի բարձրացման վերաբերյալ բանաձև է ընդունել ՄԱԿ-ի Գլխավոր ասամբլեան:
Այդ բանաձևով` Եվրոպական միության դիրքորոշման ներկայացման համար ԵՄ ներկայացուցիչը հրավիրվելու է Գլխավոր ասամբլեայի քննարկումներին: Նա կունենա ելույթների տարածման իրավունք, որոնք վերաբերում են Գլխավոր ասամբլեայի աշխատանքներին և նիստերին առանց ՄԱԿ-ի անդամ երկրների միջնորդության:
ԵՄ ներկայացուցիչը հնարավորություն է ստանում նաև ներկայացնելու Միության անդամ երկրների համաձայնեցված դիրքորոշումը, առաջարկություններն ու փոփոխությունները, սակայն չի կարող բողոքարկել համապատասխան մարմինների որոշումները:
Նմանատիպ իրավական կարգավիճակ ունեն նաև Պաղեստինի ինքնավարությունն ու Վատիկանը: ԵՄ-ն լիակատար անդամակցության հայտ չի ներկայացրել: