Ադրբեջանական Salam News գործակալությանը տված հարցազրույցի ժամանակ ադրբեջանցի քաղաքագետ Ֆիքրեթ Սադիխովը նշել է, որ նպատակահարմար կլիներ Մեծ Բրիտանիան ներառել ԵԱՀԿ Մինսկի խմբի կազմում.
«Մենք լավ հարաբերություններ ունենք Մեծ Բրիտանիայի հետ, ինչը վերաբերում է նաև տարածաշրջանային խնդիրներին: Չնայած Մեծ Բրիտանիան ի սկզբանե ակտիվություն չի ցուցաբերել ղարաբաղյան հակամարտության կարգավորման հարցում, վատ չէր լինի փոփոխության ենթարկել Մինսկի խմբի կազմը` դրանում ներառելով նաև Մեծ Բրիտանիային»:
Հիշեցնենք, որ Մեծ Բրիտանիան խորապես շահագրգռված է Ադրբեջանի էներգետիկ ռեսուրսներով և նրա տարածքին առնչվող խողովակաշարերի նախագծերով: