Մեքսիկական նավթային Pemex ընկերության բյուջեի ծախսային հատվածի կրճատումը 100 մլրդ պեսոյով (մոտ 5.5 մլրդ դոլար) կհանգեցնի նավթի արդյունահանման ծավալի՝ օրական մոտ 100 հազար բարելով կրճատման։ Այս մասին հայտարարել է ընկերության ղեկավար Խոսե Անտոնիո Գոնսալես Անայան՝ փոխանցում է RIA Novosti-ն։
Նրա խոսքով՝ այդ կրճատումից հետո Pemex-ի արդյունահանման ծավալը կկազմի օրական մոտ 2.1 մլն բարել։
Pemex-ի ղեկավարը խոստովանել է, որ ընկերությունը ներկայում խնդիրներ ունի լիկվիդայնության և կարճաժամկետ հեռանկարում ֆինանսավորման հետ, սակայն ընդհանուր առմամբ ընկերությունը վճարունակ է։
