Ռուսաստանում մշակվում է ծրագիր, որը SMS-հաղորդագրությամբ ծնողներին կզգուշացնի, եթե նրանց երեխան հետաքրքրվել է ԴԱԻՇ-ով: Այս մասին հայտնում է TASS-ը:
Ծրագիրը մշակում են Լեգիտիմության և քաղաքական բողոքի ուսումնասիրությունների կենտրոնի գիտնականները: Այն կկոչվի «Պահապան հրեշտակ»: SMS-ի ստացման ծառայության կարող են գրանցվել բոլոր ցանկացողները: Այս մասին պատմել է կենտրոնի տնօրեն Եվգենի Վենեդիկտովը:
Ծնողները SMS-հաղորդագրություն կստանան, եթե իրենց երեխան հրապարակի ԴԱԻՇ-ի գործունեությունը պրոպագանդող տեսանյութեր, լուսանկարներ կամ տեքստային նյութեր:
Վենեդիկտովը հավելել է, որ հղում կկարողանան ստանալ նաև դպրոցի ուսուցիչները: Համակարգն առաջինը կգործարկվի Նովգորոդի մարզում:
