Քրդական Fırat գործակալության փոխանցմամբ, հայտնի է դարձել ապրիլի 24-ին Բաթմանի նահանգի Քոզլուք շրջանի զորամասում սպանված հայազգի զինծառայող Սևակ Բալըքչըի մարդասպանի ինքնությունը: Դա հրազենի օգնությամբ Սևակին «անզգուշաբար» սպանած նրա ծառայակից Քըվանչ Աղաօղլուն է:
Բացի այդ, պարզվել է, որ նա ազգայնական է: Այս մասին են վկայում Facebook սոցիալական ցանցում ազգայնական բնույթի նրա հրապարակումները:
Հիշեցնենք, որ Սևակ Բալըքչըի նշանած Մելանի Քումրույանի խոսքերով, սպանությունից մեկ ամիս առաջ զորամասում Սևակին սպառնացել են այրել.
«Պարեկություն կատարելիս զինծառայողներից մեկը կորցրել է 50 թուրքական լիրա (ավելի քան 30 ամերիկյան դոլար), ինչի համար հրամանատարը մեղադրել է Սևակին ու նրա ընկերոջը և երկուսին ծեծի ենթարկել: Սևակը բողոքել էր հրամանատարի դեմ, սակայն սպառնալիքների ներքո ետ էր վերցրել իր բողոքը: Նրան սպառնացել էին այրել»:
