Այսուհետ միջին մասնագիտական կրթական հաստատություններում ընդունելության քննություններ չեն անցկացվելու: Ընդունելությունը կատարվելու է ավարտական գնահատականների հիման վրա:
Կրթության և գիտության նախարար Արմեն Աշոտյանի խոսքերով, այս մեթոդի կիրառումը նպատակ ունի նվազեցնել կոռուպցիոն ռիսկերը ընդհուպ մինչև դրանց վերացում, ինչպես նաև խրախուսել երիտասարդությանը կրթությունը շարունակել հենց միջին մասնագիտական կրթօջախներում:
Աշոտյանը կարծում է, որ չնայած հայերի մեծ մասը ձգտում է բարձրագույն կրթություն ստանալ, շուկայում մեծ պահանջարկ ունեն միջին մասնագիտական կրթօջախների առաջարկած մասնագիտությունները: Հարցին, թե արդյո՞ք կոռուպցիան չի տեղափոխվի դպրոց, Աշոտյանը պատասխանեց, թե չի բացառվում, բայց ինքը կարծում է, որ այնքան բարձր կլինեն կաշառքի չափերը, որ աշակերտները չեն գնա միջին մասնագիտական կրթություն ստանալու համար այդքան մեծ գումարներ վճարելուն:
