Արժույթի միջազգային հիմնադրամը նախազգուշացրել է, որ համաշխարհային տնտեսությունը շարունակում է թուլանալ և դառնում է չափազանց խոցելի կտրուկ ցնցումների առջև։
Ինչպես պարզաբանում են ԱՄՀ փորձագետները, անկումը տեղի է ունենում աճող ֆինանսական անկայունության և ակտիվների գների անկման ֆոնին։
Համաձայն հիմնադրամի զեկույցի՝ աշխարհի խոշորագույն տնտեսությունների աճը դանդաղում է, իսկ որոշ երկրներում պահանջարկի անկումը դժվարացնում է տնտեսական աճի վերականգնման գործընթացը։
ԱՄՀ զեկույցը հրապարակվել է G20-ի անդամ երկրների կենտրոնական բանկերի ղեկավարների ու ֆինանսների նախարարների հանդիպման նախաշեմին, որը կանցկացվի այս շաբաթ՝ Շանհայում։
ԱՄՀ-ն նաև նախազգուշացնում է, որ տնտեսական աճի բոլոր կանխատեսումները կարող են խաթարվել շուկաներում անկայունությամբ, նավթի գների անկմամբ և աշխարհաքաղաքական հակամարտություններով։
Ավելի վաղ ԱՄՀ-ն իջեցրել էր տնտեսության գլոբալ աճի իր կանխատեսումը։ Համաձայն նոր կանխատեսման՝ դրա աճն այս տարվա արդյունքներով կկազմի 3.4 տոկոս, իսկ 2017 թվականին կլինի 3.6 տոկոսի մակարդակի վրա։
