Հայոց ցեղասպանության մասին «Հայաստան, իմ սեր» գեղարվեստական ֆիլմի պրեմիերան կկայանա 2016 թվականի ապրիլի 15-ին՝ Լոս Անջելեսի Laemmle կինոթատրոնում։ 101 տարի է անցել այն բանից, երբ թուրքական կառավարությունը սկսեց առաջին քրիստոնյա ազգի՝ հայերի զանգվածային ոչնչացումը։ Այս մասին հայտնում է Asbarez-ը՝ ներկայացնելով ֆիլմի թրեյլերը։
«Հայաստան, իմ սեր»-ը ֆիլմ է հույսի, սիրո ու հավատքի մասին։ Դա հայկական ընտանիքի պատմություն չէ, այլ հայրենիքից կտրված, բռնաբարված, սպանված, վերապրած և հզորացած ողջ հայ ժողովրդի պատմությունը։
Ֆիլմի սցենարը գրել է ծագումով Ռումինիայից ամերիկացի Դայանա Էնջելսոնը, ով զբաղվել է նաև ռեժիսորական աշխատանքով։ Նա ընտրվել էր «100 կյանք» հիմնադրամի համանախագահ Ռուբեն Վարդանյանի կողմից՝ որպես այն մարդկանցից մեկը, ով յուրահատուկ կերպով է ոգեկոչել Ցեղասպանության հիշատակը։