Apple ընկերությունը ներկայացրել է iMac նոր սերնդի միաբլոկ համակարգիչները: Այս մասին ասվում է այսօր այդ ընկերության տարածած հաղորդագրության մեջ: Համակարգիչներում տեղադրված է վերջին սերնդի քառամիջուկ IntelCore i5 պրոցեսոր` ATI Radeon HD տեսաքարտով: Այն կունենա 4 ԳԲ օպերատիվ հիշողություն, որը ցանկության դեպքում այն կարող է հավելվել` հասնելով 16 ԳԲ-ի:
Նոր միաբլոկները շուկա կհանվեն 4 բազային կոմպլեկտավորմամբ. երկուսը կունենան 21.5 մատնաչափ էկրան, երկուսը` 27 մատնաչափ: Նորացվել են նաև iMac-ի տեսախցիկները: Միաբլոկերի կոշտ սկավառակների հիշողությունը կազմում է ստանդարտ 500 ԳԲ կամ 1 ՏԲ:
iMac-ի գինը սահմանվել է 1199 դոլարից մինչև 1999 դոլար: Նախորդ սերնդի iMac-երը ներկայացվել էին 2010 թ. հուլիսին և ունեին գնային նույն սահմանները:
