Ֆրանսիական լրատվամիջոցներում շրջանառվում է այն լուրը, որ Կարլա Բրունին հղի է երկվորյակներով:
Նախկին թոփ-մոդել Կարլա Բրունին` Ֆրանսիայի նախագահ Նիկոլա Սարկոզիի կինը, ամբողջ շաբաթվա ընթացքում գտնվում է ԶԼՄ-ների ուշադրության կենտրոնում, որոնք հաղորդում են այն մասին, որ նա սպասում է իր առաջին երեխային: Ինչպես գրում է The Telegraph-ը, հղում կատարելով ֆրանսիական թերթերին և ամսագրերին, չճշտված տվյալներով, 43-ամյա Բրունին հոկտեմբեր ամսին երկվորյակներ կունենա:
Այդ լուրերը տարածվեցին, երբ Բրունի-Սարկոզին հայտնեց, թե թողել է ծխելն` ակնարկելով, որ ինքն ու իր 56-ամյա ամուսինը երեխա կունենան: Պատասխանելով այն հարցին` արդյո՞ք հղի է, Բրունին ասել է, թե «այդ մասին լռելու է, որ պաշտպանի կարևոր ինչ-որ բան»:
«Ես շատախոս մարդ եմ: Սակայն այս հարցում կնախընտրեմ լռել` ոչ այն պատճառով, որ մեծամիտ եմ, այլ որ պետք է պահպանեմ գաղտնիքը», – նշել է նա:
Ֆրանսիայի առաջին տիկնոջ հղիության մասին տեղեկությունները ԶԼՄ-ներում տարածվել են անցյալ շաբաթ: