Ղրղզստանի իշխանությունները չեն ձեռնարկել անհրաժեշտ միջոցառումներ երկրի հարավում ազգամիջյան բախումները կանխելու գործում: Այս մասին հայտարարել է միջազգային հանձնաժողովը, որը նպատակ էր հետապնդում պարզելու ղրղզների և ուզբեկների միջև անցյալ տարի սկսված բախումների պատճառներն ու մեղավորներին: Այս մասին հաղորդում է Interfax գործակալությունը` հղում անելով հանձնաժողովի ղեկավար Կիմո Կիլյունենին:
«Անվտանգության ուժերի՝ սեփական գույքը պաշտպանելու անկարողությունը հարցեր է առաջացրել այդ դեպքերին նրանց անմիջական և ոչ անմիջական մասնակցության վերաբերյալ։ Ավելին, զինվորականներից ոմանք մասնակցություն են ցուցաբերել ազգային համայնքների խիտ բնակության վայրերում տեղի ունեցած որոշ հարձակումների ընթացքում»,- ասվում է զեկույցում:
Զեկույցում հատուկ շեշտվում է, որ ազգությամբ ուզբեկները բավարար չեն ներկայացված երկրի հասարակական կյանքում, միևնույն ժամանակ ազգայնականության աճ արձանագրելով Ղրղզստանի ողջ տարածքում:
